الرئيس السيسي: الدولة ملتزمة بتنفيذ توصيات المؤتمر الاقتصادي

وجه الرئيس عبدالفتاح السيسي بأن يكون المؤتمر الاقتصادي منصة اقتصادية مستقرة تلتقي كل سنة، معقبًا: «نقول كشف حساب، وأنا كحكومة وقيادة يجيلى دوريات كل 3 شهور بالإنجاز اللى إحنا بنحققه».

الرئيس السيسي: الدولة ملتزمة بتنفيذ توصيات المؤتمر الاقتصادي

وأضاف الرئيس السيسي خلال الجلسة الختامية للمؤتمر الاقتصادي مصر 2022: «معملناش الحوار ده علشان نستهلك وقت وجهدكم وجهدنا وبعدين خلاص.. لا، الفعاليات اللى اتعملت والكلام اللى اتقال محترم مقدر، وملتزمون بتنفيذ التوصيات اللى تم التوافق عليها.. طيب لو الحكومة قابلت مشاكل وأكيد هتقابل، لابد يكون آليات المؤتمر مستقرة ومؤسسية وتكون موجودة مع الحكومة بشكل مستمر..علشان وإحنا متحركين في تنفيذ التوصيات قابلتنا مشكلة نتكلم فيها».

وتابع الرئيس السيسي: «بالإضافة إلى التزامنا بتنفيذ التوصيات محتاجين منصة الحوار ومتفق معاكم يبقى المؤتمر يتعمل كل سنة، وافتكروا من 5 سنين أو أكتر كنا حريصين نعمل منصة حوار ومؤتمر للشباب يتم تناول قضايا الدولة ونجحنا في المحافظات كمان، وجت كورونا والظرف الأخير و 3 سنين مقدرناش نكمل بنفس المستوى».

السيسي: أنا بعتبر نفسي إنسان طُلب منه التدخل لحماية وطنه

وذكر الرئيس في كلمته، أمام الجلسة الختامية للمؤتمر الاقتصادي «لابد للمؤتمر أن يكون هناك آليات مستقرة موجودة مع الحكومة بشكل مستمر أثناء التحرك لتنفيذ التوصيات».

وأضاف «انتوا اتكلمتوا عن مجموعة عمل لصالح طرح ما تم التوافق عليه إعلاميا وأنا اتكلمت عن البيئة السياسية والاجتماعية والفكرية والإعلامية انا متفق معاكم المؤتمر يتعمل كل سنة، ومن 8 سنين، وأكتر كنا بنتكلم عن منصات للحوار منها منتدى الشباب، وقلنا كل شهر أو شهر ونصف أو شهرين نعمل ده ونجحنا نعمل ده ثم سنويا حتى على مستوى العالم عملنا منتدى شباب العالم وجت كورونا وقفت ده».

وتابع: «خلينا وأنا بتكلم الدكتور ضياء رشوان «منسق الحوار الوطني»، لما اتكلمنا عن الحوار الوطني كان شامل مكنش في اتجاه محدد كنا بنطرح كل القضايا وكل الجهات اللي عايزة تتكلم تتكم سواء اقتصادي او اجتماعي أو ثقافي وأنا اتصور إن احنا اتصور اننا عاوزين نعمل حاجة تانية في الملفات التانية».

واستكمل: «أنا بشارك معكم هنا مش رئيس مصر ولما بقول كده مش بدغدغ مشاعر الناس.. أنا بعتبر نفسي انسان طلب منه التدخل لحماية وطنه».